Qashqadaryo va Buxoro viloyatlari Favqulodda vaziyatlar boshqarmalarida OAV vakillari, keng jamoatchilik va yoshlar ishtirokida “Ochiq eshiklar kuni” tadbirlari oʻtkazildi.
2025-12-12 10:10:00 / Yangiliklar
“Yongʻin xavfsizligi oyligi” va “Aksilkorrupsiya oyligi” doirasida tashkil etilgan ushbu tadbirlar davomida ishtirokchilarga qish mavsumida is gazidan zaharlanish va yongʻinlarni oldini olish boʻyicha batafsil maʼlumotlar berildi. Shuningdek, boshqarma faoliyati hamda tizimda olib borilayotgan korrupsiyaga qarshi kurashish siyosati yuzasidan ham tushuntirishlar berib oʻtildi.
Bundan tashqari, ishtirokchilar qutqaruvchilarning maxsus asbob-anjomlari, ularning amaliy mashgʻulotlari hamda yongʻin-qutqaruv texnikalari bilan ham yaqindan tanishdilar.
