Hududlarda “9-dekabr – Xalqaro korrupsiyaga qarshi kurashish kuni” munosabati bilan tadbirlar tashkil etildi
2025-12-09 14:25:00 / Yangiliklar
Mazkur tadbirlar ochiq eshiklar kuni, matbuot anjumani, seminar hamda davra suhbatlari ko‘rinishida bo‘lib o‘tdi. Unda ishtirokchilarga korrupsiyaning oldini olish bo‘yicha amalga oshirilayotgan tizimli islohotlar, sohada huquqiy madaniyatni yanada oshirish, xizmat intizomi va mas’uliyatni mustahkamlashga qaratilgan chora-tadbirlar batafsil tushuntirildi.
Shuningdek, ochiq eshiklar kuni doirasida tashrif buyurgan mehmonlarga soha xodimlarining kundalik faoliyati, murojaatlar bilan ishlash tartibi, shaffoflik va ochiqlik tamoyillarini amaliyotga tatbiq etish borasidagi ishlari bo‘yicha ma'lumot berildi. Tashrif davomida mehmonlar tizimda yo‘lga qo‘yilgan ochiqlik, samaradorlik va fuqarolarga qulaylik yaratishga qaratilgan jarayonlar bilan yaqindan tanishdilar.