Yoshlar bilan ochiq muloqot: Rahbarlar tomonidan vatanparvarlik saboqlari
2025-12-05 09:30:00 / Yangiliklar
Surxondaryo vilayati FVB, “Qamchiq” maxsus qutqaruv boshqarmasi hamda "Navoiy kon-metallurgiya kombinati” AJ va "Navoiyuran" DK obyektlarida favqulodda vaziyatlar markazi rahbarlari tomonidan “Jasorat sinfi” oʻquvchilari, otaliqqa olingan yoshlar ishtirokida "Rahbar va yoshlar" uchrashuvi maʼnaviy-maʼrifiy tadbirlari boʻlib oʻtdi.
Oʻzbekiston Respublikasi Konstitutsiyasi qabul qilinganligining 33 yilligi munosabati bilan "Konstitutsiya - bosh qomusimiz" shiori ostida oʻtkazilgan ushbu tadbirda yoshlarga bosh qomusimiz yaratilish tarixi va hayotimizdagi tutgan oʻrni haqida tushunchalar berildi.
Tadbir davomida rahbarlar va yoshlar oʻrtasida samimiy muloqot tashkil etilib, ularni kasbga yoʻnaltirish, vatanparvarlik va fidoyilik ruhida tarbiyalash shuningdek, mamlakatimizda yoshlarga yaratilayotgan imkoniyatlar masalalariga alohida toʻxtaldi. Jarayonda yoshlarning qiziqtirgan savollariga javoblar berilib, ularning taklif va fikrlari tinglandi. Tadbirda faol ishtirok etgan yoshlar boshqarma boshligʻi tomonidan esdalik sovgʻalari bilan taqdirlandilar.