Aholi xavfsizligi ustuvor vazifa: Samarqand viloyatida kuz-qish mavsumini betalafot o‘tkazish bo‘yicha o‘quv-seminar tashkil etildi
2025-11-26 11:45:00 / Yangiliklar
Samarqand viloyat FVB tomonidan “Favqulodda vaziyatlar profilaktikasi oyligi” doirasida Paxtachi tumani hokimligida “Kuz-qish mavsumini betalafot o‘tkazish, is gazidan zaharlanish, gaz-havo aralashmasining chaqnashi va yong‘inlarning oldini olish” mavzusida o‘quv-seminar o‘tkazildi.
Tadbirda viloyat FVB boshlig‘i tomonidan mas’ullarga kuz-qish mavsumida yong‘in xavfsizligi qoidalariga amal qilish, is gazidan zaharlanishning sabablari va uning ayanchli oqibatlari, shuningdek, bunday holatlarning oldini olish bo‘yicha batafsil ma’lumotlar berildi. Aholi o‘rtasida ogohlik, hushyorlik va xavfsizlik madaniyatini oshirish zarurligi alohida ta’kidlandi.
Shu bilan birga, hamkor tashkilotlarning kuz-qish mavsumida aholining xavfsizligini ta’minlashga qaratilgan faoliyati yuzasidan hisobotlar tinglanib, o‘zaro kelishilgan choralar belgilab olindi.