Favqulodda vaziyatlar vazirligi va Oʻzbekiston Yozuvchilar uyushmasi oʻrtasida oʻzaro hamkorlik toʻgʻrisidagi Memorandumni imzolandi hamda “Armiya va tarbiya” kitobining taqdimoti boʼlib oʼtdi
2025-11-07 17:40:00 / Yangiliklar
Favqulodda vaziyatlar vazirligi hamda Oʻzbekiston Yozuvchilar uyushmasi oʻrtasida imzolangan ushbu hamkorlik Memorandumi Favqulodda vaziyatlar vazirligi tizimida shaxsiy tarkibning jismonan sogʻlom boʻlishi bilan bir qatorda ruhan tetik va maʼnan yetukligini taʼminlashga xizmat qiladi.
Muloqotda axborot xuruji va mafkuraviy raqobat kuchayib borayotgan bugungi davrda ijodkorlarning badiiy asarlari, Vatanni madh etuvchi sheʼrlari, xususan Oʼzbekiston Yozuvchilar uyushmasi raisi, Oʼzbekiston xalq shoiri Sirojiddin Sayyidning “Armiya va tarbiya” kitobidagi sheʼrlar har bir xodimni chinakam “Gʻoyaviy qutqaruvchi” sifatida tarbiyalash, xizmatning mazmun-mohiyatini chuqur anglatish va mustahkam mafkuraviy immunitet shakllantirish dolzarb vazifa ekani taʼkidlandi.
Tadbir davomida Oʼzbekiston xalq shoiri Sirojiddin Sayyid bilan ochiq muloqot oʻtkazilib, ijodkor oʻzining qalamiga mansub sheʼrlardan namunalar oʻqidi hamda ishtirokchilar savollariga batafsil javob berdi.
Uchrashuv yakunida Vatanga muhabbat, xizmatga sadoqat, masʼuliyat va tartib-intizom har bir xodim faoliyatidagi muhim omillar ekani, ular muvaffaqiyat garovi boʻlib xizmat qilishini alohida qayd etildi.