Yoshlar bilan ishlash hamda muammolarini hal etish har bir rahbarning muhim vazifasidir
2026-02-26 19:45:00 / Yangiliklar
Viloyat hokimi Xayrullo Bozorov Qo‘qon shahridagi og‘ir sharoitdagi yosh oilalar xonadonlarida bo‘lib, ularning muammolarini eshitdi. Otaliqqa olingan yoshlarning sharoitlarini o‘rgandi.
Degrezli mahallasida O‘lmasjon Umarov 3 nafar farzandi bilan istiqomat qiladi. Viloyat hokimi uning yashash sharoitlarini borib ko‘rdi. Daromad manbai topishga ko‘maklashish, turmush sharoitlarini yaxshilash yuzasidan mutasaddilarga topshiriq berdi.
Shundan so‘ng Rayhon MFYdagi otaliqqa olingan Rinat Matg‘oziyev xonadoniga ham borilib, oilani qo‘llab-quvvatlash, ishga joylashtirish hamda moddiy ko‘mak berish bo‘yicha chora-tadbirlar belgilandi.
Shuningdek, viloyat hokimi Xayrullo Bozorov "mahalla yettiligi" a’zolari bilan muloqot qildi.
Kambag‘allikni qisqartish, aholi bandligini ta’minlash, fuqarolarni ijtimoiy himoya qilish, qo‘llab-quvvatlash, jinoyatchilikni oldini olish, yoshlar bilan ishlash, tadbirkorlikni rivojlantirish borasida amalga oshirilayotgan ishlar bilan qiziqdi.
O‘rganish davomida "mahalla yettiligi" faoliyatini qoniqarsiz ekanligi ma’lum bo‘ldi va viloyat ishchi guruhi tashkil qilinib, mahallada o‘rganish olib borilishi yuzasidan mas’ullarga topshiriqlar berildi.
Viloyat rahbari mahalla mas’ullari fidoyilik bilan ishlasagina muammolar yechim topishini ta’kidladi.
Mahalla binosida fuqarolar murojaatlari ham eshitilib, mas’ullar ishtirokida masalalarga yechim belgilandi.