Ғузорда Хитой компанияси томонидан замонавий усулда чигит экилмоқда
2025-04-24 10:55:00 / Янгиликлар
Ғузор туманида Хитойнинг Шинжон провинциясига қарашли “Xinjiang Liuhua” компаниясининг “Qashqadaryo Jingu” МЧЖ томонидан пахта етиштириш бўйича чигит экиш ишлари бошланди.
Мазкур компания томонидан 2300 гектар майдонга чигит экилиши режалаштирилган бўлиб, жараёнга 30 га яқин замонавий техникалар жалб этилган. Махсус техникалар туфайли экиш ишлари тезкор, аниқлиги юқори ва самарали амалга оширилмоқда.
Технологик ёндашув эвазига 1 гектардан 8 тоннагача ҳосил олиш имкони мавжуд. Бу эса ҳосилдорликни ошириш билан бирга харажатларни камайтиришга ҳам хизмат қилади.