Миришкорда 4 гектар майдонда “Пиллакорлар боғи” барпо этилди
2025-03-12 10:55:00 / Янгиликлар
Миришкор туманида ипакчилик соҳасини ривожлантириш, экологик муҳитни яхшилаш ва пиллакорларнинг меҳнатини қадрлаш мақсадида 4 гектар майдонда “Пиллакорлар боғи” ташкил этилди.
Боғ барпо этиш тадбири доирасида 300 га яқин кўчат экилди. Майдонда 5 мингдан ортиқ кўчат экиш режалаштирилган. Ушбу жараёнда вилоят ҳокими ўринбосари, фаол пиллакорлар ҳамда маҳалла фаоллари иштирок этишди.
Ташаббуснинг асосий мақсади ипакчилик учун зарур бўлган табиий ресурсларни кўпайтириш, пиллачилик билан шуғулланаётган аёллар ва ёшларни қўллаб-қувватлаш ҳамда маҳаллий экологик муҳитни яхшилашдан иборат.
Тадбирда йиғилганлар соҳага қаратилаётган эътибор, ипак қуртини боқиш орқали аҳоли бандлигини таъминлаш ва даромадларини ошириш, хусусан, Президент фармони билан тирик пилла етиштириш билан шуғулланувчи касаначиларга берилган солиқ имтиёзларини таъкидлашди.
Мазкур лойиҳа келгусида нафақат ипакчилик, балки ҳудуднинг умумий кўкаламзорлаштирилишига ҳам катта ҳисса қўшиши кутилмоқда.