Оила — муқаддас. Уни асраб-авайлаш, ўзаро муносабатларда ҳурмат муҳитини шакллантириш, фарзандлар тарбияси учун масъулликни ҳис қилиш ва ажримларга йўл қўймаслик бугуннинг долзарб масаласи
2026-09-29 18:45:00 / Янгиликлар

Шаҳрисабз шаҳрида бўлиб ўтган мулоқотда ажримларнинг олдини олиш, жамиятда соғлом-маънавий муҳит яратишда масъуллар зиммасидаги вазифаларга эътибор қаратилди.
Унда вилоят ҳокими ўринбосари З.Аминова, вилоят суди раиси ўринбосари К.Номозов, вилоят «Оқила аёллар» ҳаракати фаоллари, имом-хатиблар ва туман масъуллари иштирок этди.
Ажримларнинг келиб чиқиш сабаблари таҳлил қилинди. Ёшларни оилавий ҳаётга тайёрлаш, бандлик, муносабатларда ҳурмат руҳини шакллантириш, ўғил-қизларимизга миллий қадриятларни сингдириш, фарзанд тарбиясида ота-оналик масъулияти масалалари муҳокама қилинди.
Мавзуга доир видеофилм намойиш этилди. Низоли оила вакиллари билан якка тартибда ўрганишлар олиб борилди. Шу куни 8 та оилани яраштиришга эришилди.






