Муротжон Азимов хорижлик инвесторлар билан мулоқот қилди
2026-09-11 17:30:00 / Янгиликлар
Хабар берганимиздек, вилоят ҳокими Муротжон Азимов Хитойнинг “China State Construction Engineering Corporation Ltd.” компанияси вакиллари билан видеоконференсия шаклида мулоқот ўтказди.
Мулоқот давомида Самарқанд–Қашқадарё йўналишида, Тахтиқорача довони орқали ўтувчи туннелни ўз ичига олган пулли автомобиль йўли қуриш, шунингдек, А380, А378 ва Д150 автомобиль йўлларини реконструкция қилиш лойиҳалари муҳокама қилинди.
Шунингдек, лойиҳа доирасида зарур ҳолларда давлат-хусусий шериклик механизмларидан фойдаланиш, муҳандислик-қидирув ишларини бошлаш ҳамда лойиҳанинг техник-иқтисодий асосини ишлаб чиқиш бўйича ҳамкорлик қилишга келишиб олинди.
Хитой компанияси мутахассисларини Қашқадарё вилоятига таклиф этиш ва икки томонлама ишчи гуруҳ тузиш бўйича таклиф билдирилди.
Томонлар лойиҳани амалий босқичга олиб чиқиш ва ҳамкорликни давом эттиришга келишиб олдилар.