Вилоят ҳокими хитойлик тадбиркорлар билан учрашди
2026-03-11 21:45:00 / Янгиликлар
Хабар берганимиздек, вилоят ҳокими Муротжон Азимов хитойлик тадбиркорларни қабул қилиб, уларнинг таклифлари билан танишди.
Учрашув давомида хорижлик тадбиркорлар вилоят иқлими қишлоқ хўжалиги учун қулай эканини таъкидлаб, ҳудудда кунгабоқар етиштириш ва уни қайта ишлаш лойиҳасини амалга ошириш ниятида эканликларини билдирди.
Маълум қилинишича, етиштириладиган маҳсулотларни қайта ишлаб, уларни маҳаллий бозорга чиқариш ҳамда экспортга йўналтириш режалаштирилган.
Вилоят ҳокими Муротжон Азимов таклифларни тинглаб, бундай лойиҳалар ҳудудда қишлоқ хўжалиги ва саноатни ривожлантириш, хусусан, янги иш ўринларини яратишда муҳим аҳамиятга эга эканлигини таъкидлаб, вилоят ривожи учун берилган таклифлар қўллаб-қувватланишини маълум қилди.