Вилоятимиз марказида Халқаро хотин-қизлар куни муносабати билан байрам дастури ташкил этилди
2026-03-08 09:30:00 / Янгиликлар
Байрам дастурида бир қатор турли соҳаларда фаолият юритувчи фаол ва фидойи хотин-қизларга Президентимиз фармонлари билан давлат мукофотлари, "Мўътабар аёл" кўкрак нишони ва Қашқадарё вилояти ҳокимининг фахрий ёрлиқ ҳамда эсдалик совғалари билан тақдирланди.
Санъаткорлар томонидан куйланган дил тортар ва шўх наволар даврага янада файз бағишлади.
Вилоят ҳокими Муротжон Азимов ўз табригида аёлларни эъзозлаш азалдан халқимизнинг энг эзгу қадриятларидан бири эканини таъкидлаб, Муҳтарам Президентимизнинг “Биз сизларнинг тимсолингизда Учинчи Ренессанс бунёдкори бўлиб, майдонга чиқаётган 22 миллион ёш авлодни оналик меҳри билан тарбиялаб, вояга етказган буюк бир кучни кўрамиз. Сизлар тадбиркор, олим, муаллим, шифокор, муҳандис, давлат ва жамоат арбоби, бир сўз билан айтганда, хонадонларимиз фариштаси, оила ва жамият таянчи, десак, айни ҳақиқатни айтган бўламиз”, деган сўзларида қанчалик ишонч, бахт ва гўзаллик яширинганини қайд этди.