Янги йил байрами арафасида Нишонда болажонларга боғча, эҳтиёжманд инсонларга эса уй калитлари топширилди
2025-12-29 14:05:00 / Янгиликлар
Бугун вилоят ҳокими Муротжон Азимов Нишон тумани, “Навбаҳор” маҳалласидаги 4-ДМТТнинг фойдаланишга топшириш тадбирида иштирок этди. Кенг жамоатчилик иштирокида боғчада яратилган шароитларни кўздан кечирди, қорбобо ҳамроҳлигида болажонларга янги йил совғаларини улашди.
Боғча жуда таъмирталаб ва шароитлари оғир аҳволга келиб қолганлиги боис 2025 йил инвестиция дастури асосида тўлиқ реконструкция қилиниб, янгича қиёфа акс этди. Замонавий ва барча шароитларга эга бўлди. 180 ўринли бу ДМТТ ҳовлисига 60 кВТ қуёш панели ва том қисмига сув иситиш коллекторлари, хоналарига эса замонавий иситиш тизимлари ўрнатилди.
Шунингдек, тадбир давомида тумандаги ижтимоий ҳимояга муҳтож бўлган 8 нафар фуқароларга Президентимиз ташаббуси билан қуриб берилган уйлар калитларини ҳам вилоят ҳокими тантанали равишда ўз эгаларига топширди.