Навоий вилояти ҳокимлиги

Оммавий спорт ва ёшлар қамрови

🏃 “Беш ташаббус олимпиадаси” доирасида спорт мусобақаларида иштирок этиш мақсадида онлайн платформа орқали 117 минг нафар ёш рўйхатдан ўтиб, оммавий спорт мусобақаларида иштирок этди.

🏅 Аҳолини оммавий спортга қамров даражаси 21 фоизга етказилди.

🏫 Умумтаълим мактабларида ташкил этилган спорт клубларида шуғулланувчилар сони 13,4 минг нафарга етказилди.

💪 Спорт таълим муассасаларида доимий шуғулланувчилар сони 20 минг нафардан оширилди.

🎽 Спортчилар учун яратилган шароитлар

Спорт мусобақалари иштирокчилари учун 1,9 млрд сўмлик 16,2 минг комплект спорт формаси, маҳаллалар учун эса 360 млн сўмлик 4 турдаги 2,5 мингта спорт жиҳози етказиб берилди.

Шунингдек, вилоятдаги 17 та спорт мактаби спортчилари 895 млн сўмлик спорт жиҳози билан таъминланди.

🏅 Халқаро ва республика мусобақаларида юқори натижалар:

“Президент олимпиадаси” спорт мусобақаларининг вилоят босқичида 19 та спорт тури бўйича 2 минг нафардан ортиқ спортчи иштирок этди.

Вилоят босқичида иштирок этган спортчиларнинг 301 нафари Республика босқичига йўлланма олди.

716 нафар спортчи Ўзбекистон Миллий терма жамоалари таркибига қабул қилинди.

🥇 2026 йилнинг биринчи ярим йиллигида вилоят спортчилари томонидан жами 1 063 та медаль қўлга киритилди:

🥇 328 та олтин
🥈 325 та кумуш
🥉 412 та бронза

🌍 Эътиборга молик натижалар

🤼 Юнон-рум кураши бўйича Жаҳон чемпионатида У-17 ёш тоифасида Ҳасанов Бунёд олтин медални қўлга киритиб, икки карра Жаҳон чемпиони унвонига сазовор бўлди.

🛶 Байдарка ва каноэда эшкак эшиш бўйича Осиё чемпионатида Мавлонова Шаҳризода олтин ва кумуш медалларни қўлга киритди.

🏃 Пара енгил атлетика бўйича Гран-при мусобақасида Акобиров Жамолиддин олтин медалга сазовор бўлди.

🏊 Пара сузиш бўйича Жаҳон серияси мусобақаларида Бахтиёров Сардор ва Мирманов Диас олтин медалларни қўлга киритди.

🏋️ Пара пауэрлифтинг бўйича Осиё чемпионатида Эшбоев Умид 2 та олтин медални қўлга киритди.

🏋️‍♀️ Оғир атлетика бўйича Осиё чемпионатида Абдумуталова Маржона олтин медалга сазовор бўлди.

🤸 Спорт гимнастикаси бўйича Жаҳон кубогида Темирхонов Ахрорхон бронза медални қўлга киритди.

🏟️ Спорт инфратузилмаси ривожланмоқда

“Ташаббусли бюджет” лойиҳаси доирасида умумий қиймати 4,2 млрд сўмлик 3 та спорт объекти фойдаланишга топширилди.

Шунингдек, умумий қиймати 9,5 млрд сўмлик 6 та спорт иншоотида қурилиш-таъмирлаш ва реконструкция ишлари амалга оширилмоқда.

📈 Спортда янги марралар сари!

Эришилган натижалар — спортчилар, мураббийлар ва соҳа вакилларининг фидокорона меҳнати самарасидир. Олдинда янада юксак мақсадлар, янги мусобақалар ва янги ғалабалар турибди!

Биргаликда — соғлом авлод, оммавий спорт ва юксак натижалар сари!