Кармана туманида адлия бошқармаси раҳбарияти иштирокида сайёр қабул ташкил этилди
2026-06-25 15:05:00 /
Бугунги кунда туманда 39 та МФЙ фаолият юритмоқда. Аҳоли сони эса 150 мингга яқин. Карманаликлар асосан фуқаролик фактини тиклаш, ногиронликни белгилаш, кадастр ҳужжатларини расмийлаштириш билан боғлиқ масалаларда адлия органларига мурожаат қилишади. Сайёр қабул давомида ҳам мазкур йўналишдаги муаммолар кун тартибига қўйилди.
Қабулга келган инсон бир муаммосига ечим топиб саволига жавоб олса, ташрифидан кўнгли тўлади.
📝Фуқаро Айназова Шахноза Гулшанова ҳам ана шу мақсадда сайёр мулоқотда иштирок этди. Унинг масаласи фарзандининг туғилиш гувоҳномасини янгилаш билан боғлиқ. Тегишли мутахассислар кўмагида фуқарога амалий ёрдам кўрсатилиб, мурожаатни ижобий қаноатлантириш учун керакли ҳужжатлар ҳозирланди.
📝 Фуқаро Турсунов Бахтиёр Пардаевич кадастр ҳужжатларини расмийлаштиришда масъуллардан ёрдам сўради. Фуқаронинг иши тегишли тартибда ўрганилиб амалий ёрдам кўрсатилди.
Сайёр қабул давомида электр энергияси ва газ таъминоти, йўл, уй-жой таъмири ва кадастр ҳужжатларини расмийлаштириш, меҳнат муносабатлари, тадбиркорлик фаолияқтини бошлаш, банк-кредит масалаларида ҳам бир қатор мурожаатлар келиб тушди. Аҳолининг 20 га яқин муаммоси ижобий ҳал этиш мақсадида адлия органларига иш юритувига қабул қилинди.