“Ижро этиш соҳасида амалга оширилган ишлар, соҳадаги янгиликлар ва рақамлаштириш масалалари” мавзусида матбуот анжумани
2026-01-31 12:00:00 / Матбуот анжуманлари
Тадбир давомида 2025 йилда амалга оширилган ишлар, давлат фойдасига ва ижтимоий дафтарларга тушумлар, алимент ва кредит қарздорликларини ундириш ҳолати, шунингдек, мурожаатларни кўриб чиқилиши ҳақида слайдлар орқали маълумотлар тақдим этилди.
Шунингдек, Бюро органлари томонидан қарорлар ижросини таъминлаш орқали фуқаролар ҳамда жамиятнинг ҳақ-ҳуқуқлари, қадр-қиммати, қонуний манфаатларини таъминлаш, шунингдек тадбиркорларинг одил судловга бўлган ишончини мустаҳкамлаш борасида кўриб борилаётган амалий чора–тадбирлар қайд этилди.
Кўрилган чора-тадбирлар натижасида 2025 йилда жами 4,5 трлн. сўмлик 385 мингга яқин ҳужжатлар бўйича ижро ҳаракатлари олиб борилди, шундан 2,8 трлн. сўмлик 221 323 та ижро ҳужжатлари бўйича якуний қарорлар қабул қилинди, амалда 147 626 та ижро иши бўйича 1 трлн. 365 млрд. сўм, шундан давлат фойдасига 709 млрд. сўмлик маблағ ундирилди.
Бундан ташқари, ижро тизимидаги сўнгги ислоҳотлар ва соҳани рақамлаштириш бўйича амалга оширилаётган ишлар ва уларнинг самарадорлиги ҳақида ҳам сўз юритилди.
Матбуот анжумани давомида ОАВ ва жамоатчилик вакиллари саволларига батафсил жавоблар берилди.