Жиззах вилоятига янги ҳоким тайинланди
2024-12-19 14:00:00 / Янгиликлар
Жиззахда 19 декабрь куни Халқ депутатлари вилоят Кенгашининг навбатдан ташқари сессияси бўлиб ўтди.
Унда Бош вазир Абдулла Арипов иштирок этди.
Сессияни Халқ депутатлари вилоят Кенгаши раиси Парда Шукуров олиб борди. Кун тартибига мувофиқ ташкилий масала кўрилди.
Ўзбекистон Республикаси Президентининг тегишли фармонларига асосан Эргаш Алибекович Салиев бошқа ишга ўтиши муносабати билан Жиззах вилояти ҳокими лавозимидан озод этилди.
"Hududiy elektr tarmoqlari" акциядорлик жамияти бошқаруви раиси лавозимида ишлаб келган Улуғбек Мавлонович Мустафоев Жиззах вилояти ҳокими вазифасини бажарувчи этиб тайинланди.