Жиззах вилояти ҳокимлиги

Шу боис оилаларни асраб-авайлаш, оилавий низоларнинг олдини олиш, эр-хотин ўртасидаги келишмовчиликларни тинч йўл билан ҳал этиш ҳамда фарзандлар манфаатларини ҳимоя қилиш муҳим аҳамиятга эга.

Шу мақсадда Шароф Рашидов туманидаги «Оила маскани»да ажралиш ёқасига келиб қолган оилалар иштирокида яраштирув суҳбатлари ва муҳокамалар ташкил этилди.

Учрашувдан кўзланган асосий мақсад оилалардаги келишмовчиликлар сабабларини аниқлаш, муаммоларни ўзаро мулоқот орқали ҳал этишга кўмаклашиш ҳамда оилаларни сақлаб қолишдан иборат бўлди.

Суҳбатлар давомида 12 та оилада юзага келган низолар, келишмовчиликларнинг келиб чиқиш сабаблари ва уларни бартараф этиш имкониятлари атрофлича муҳокама қилинди. Иштирокчилар билан оилада ўзаро ҳурмат, ишонч, сабр-тоқат ва масъулиятнинг ўрни ҳақида фикр алмашилди. Шунингдек, ҳар қандай муаммони шошма-шошарлик билан эмас, балки бир-бирини тинглаш, тушуниш ва муросага келиш орқали ҳал этиш муҳимлиги тушунтирилди.

Олиб борилган тушунтириш ишлари, самимий суҳбатлар ва яраштиришга қаратилган саъй-ҳаракатлар натижасида 12 та оиланинг 3 тасини яраштиришга эришилди. Бу эса оилавий муаммоларни ўз вақтида аниқлаш, уларга бефарқ бўлмаслик ва зарур пайтда амалий кўмак кўрсатиш нақадар муҳимлигини кўрсатади.

Оилаларда соғлом маънавий муҳитни шакллантириш, низоларнинг олдини олиш ва ажралиш ҳолатларини камайтиришга қаратилган бундай учрашувлар изчил давом эттирилиши муҳим.

Чунки оилани асраш — фақат эр-хотиннинг эмас, балки фарзандлар келажаги ва жамият олдидаги масъулият ҳамдир.