1950–1980 ЙИЛЛАРДА ЖИЗЗАХ
2024-09-13 09:50:00 / Янгиликлар
1946–1985-йилларда ҳозирги Жиззах вилояти ҳудудида саноат, тоғ-кон металлургия ва қишлоқ хўжалиги соҳалари ривожига алоҳида эътибор қаратилди.
Жумладан, 1951 йилда Жиззах вилояти Фориш туманида Учқулоч рангли металлар кони комплекс усуллар ёрдамида ўрганилиб, Пистали, Қўшқура, Узоқ, Марказий, Шарқий ва бошқа қўрғошин, рух, мис конлари топилди ва ўзлаштиришга киришилди.
Жиззах–Учқулоч ўртасида газ қувури, автомобиль ва темир йўллари қурилиб, Учқулоч тоғ жинсларини Олмалиқ кон-металлургия комбинатига ташиб келтириш, улардан қўрғошин, рух, мис ишлаб чиқариш йўлга қўйилди. Учқулоч рангли металлар конининг кенгайтирилиши натижасида Учқулоч ва Банд посёлкалари вужудга келди.