Тоғаева Юлдуз Абдураимовна «Фаол тадбиркор» кўкрак нишони билан тақдирланди
2026-08-20 10:00:00 / Янгиликлар
Ғаллаорол туманидаги «NEW-WORLD-SAVDO» оилавий корхонаси ташкилотчиси Тоғаева Юлдуз Абдураимовна Тадбиркорлар куни муносабати билан «Фаол тадбиркор» кўкрак нишони билан тақдирланди!
15 йиллик меҳнат стажига эга Юлдуз опа 2020 йилдан буён корхонага раҳбарлик қилиб, ишлаб чиқариш ҳажмини йилдан-йилга ошириб келмоқда. Хусусан, 2023 йилда 2,2 миллиард, 2024 йилда 2,5 миллиард, 2025 йилда эса 2,7 миллиард сўмлик маҳсулот ишлаб чиқарилган.
«Лидер тадбиркор» лойиҳаси доирасида 18 нафар оғир турмуш шароитидаги аёл тикувчилик фаолиятига жалб этилиб, доимий иш билан таъминланган. Шунингдек, ногиронлиги бўлган 5 нафар аёл касб-ҳунарга ўргатилган.
Юлдуз Абдураимовна жамоат ишларида ҳам фаол иштирок этиб, кам таъминланган оилаларга кийим-кечак тарқатиш ва суннат тўйларини ўтказишда кўмаклашиб келмоқда.