Жиззах вилояти ҳокимлиги

Бу жараён нафақат экспорт ҳажмини ошириш, балки маҳаллий маҳсулотларнинг сифати, рақобатбардошлиги ва халқаро талабларга мувофиқлигини таъминлашни ҳам талаб этади.

Шу мақсадда BMB HOLDING тизимида экспортбоп маҳсулотлар ишлаб чиқариш, уларни халқаро стандартлар асосида такомиллаштириш ҳамда янги ташқи бозорларга олиб чиқишга қаратилган ишлар изчил давом эттирилмоқда.

Мазкур йўналишда BMB Za’faron бренди остида ишлаб чиқарилаётган асал ва асал маҳсулотларини Америка Қўшма Штатлари бозорига экспорт қилиш учун АҚШ Озиқ-овқат ва дори-дармонлар сифати устидан назорат бошқармаси (FDA) томонидан тегишли рухсат олинди.

Бу эса Ўзбекистонда етиштирилаётган табиий асал ва ундан тайёрланаётган маҳсулотларни дунёдаги энг йирик ва талабчан бозорлардан бирига олиб чиқиш учун муҳим имконият яратади.

Шу билан бирга, FDA рухсатининг олиниши BMB SHIFO маҳсулотларининг халқаро бозорларга чиқиш жараёнида белгиланган талаб ва тартибларга мувофиқ ҳаракат қилинаётганини намоён этади.

Айни пайтда миллий маҳсулотларимизга бўлган халқаро талаб тобора ортиб бораётган бир вақтда, ушбу йўналишда экспорт салоҳиятини кенгайтириш Ўзбекистоннинг табиий ва сифатли маҳсулотларини янги истеъмолчиларга етказиш учун муҳим аҳамият касб этади.

BMB SHIFO томонидан FDA рухсатининг олиниши “Made in Uzbekistan” бренди остидаги маҳсулотларни янги бозорларга олиб чиқиш, маҳаллий ишлаб чиқариш салоҳиятини халқаро майдонда намоён этиш ҳамда BMB HOLDINGнинг экспорт йўналишини янада кенгайтириш борасидаги изчил ишларнинг навбатдаги натижаси бўлди.