ЗОМИНДА МАҲАЛЛАЛАР ИНФРАТУЗИЛМАСИ ЯНГИЛАНИБ, АҲОЛИ УЧУН ҚУЛАЙ ШАРОИТЛАР ЯРАТИЛМОҚДА
2026-08-12 08:40:00 / Янгиликлар
Жумладан, туманнинг Пахтакор маҳалласида Ўзбекистон Республикаси Президентининг тегишли қарорлари ва давлат дастурлари асосида ободонлаштириш ҳамда инфратузилмани яхшилаш ишлари изчил давом эттирилмоқда.
Айни пайтда маҳалла ҳудудидаги ички кўчаларда асфальтлаштириш ишлари олиб борилмоқда. Бунинг натижасида йўлларнинг сифати яхшиланиб, транспорт воситалари ҳаракати учун янада қулай ва хавфсиз шароит яратилмоқда.
Асфальтлаштириш ишлари нафақат ҳайдовчилар, балки пиёдалар учун ҳам қулайлик яратиб, маҳалла аҳолисининг кундалик турмушини енгиллаштиришга хизмат қилади.
Айниқса, куз-қиш мавсумида юзага келиши мумкин бўлган ноқулайликларнинг олди олиниб, ички йўлларнинг равон ва замонавий ҳолатга келтирилиши таъминланмоқда.
Пахтакор маҳалласида амалга оширилаётган бунёдкорлик ишлари аҳоли учун муносиб яшаш шароитларини яратиш, ҳудуд инфратузилмасини ривожлантириш ва маҳалла қиёфасини янада обод этишга қаратилган.
Келгусида ҳам маҳаллада ободонлаштириш, кўкаламзорлаштириш ва инфратузилмани ривожлантиришга қаратилган ишларни изчил давом эттириш режалаштирилган.
Зеро, инсон қадрини улуғлаш, аҳоли учун қулай ва фаровон ҳаёт шароитларини яратиш йўлида амалга оширилаётган бундай бунёдкорлик ишлари Янги Ўзбекистон тараққиётининг маҳаллалардаги амалий ифодасидир.