Жиззах вилояти ҳокимлиги

Мазкур ташаббус доирасида “Трастбанк” Жиззах банк хизматлари офисига бириктирилган Зомин туманидаги 59-сонли умумтаълим мактабига банк томонидан 500 дона бадиий китоб, 3 та мусиқий чолғу асбоби, 5 тадан футбол, волейбол ва баскетбол тўплари, 2 та стол тенниси анжомлари ҳамда спорт сеткалари етказиб берилди.

Тақдим этилган китоблар ва спорт жиҳозлари ўқувчиларнинг ёзги таътил даврини мазмунли ташкил этиш, уларнинг китобхонлик маданиятини юксалтириш, спортга бўлган қизиқишини ошириш ҳамда иқтидор ва истеъдодларини рўёбга чиқаришга хизмат қилади.

Айни пайтда, Жиззах вилояти ҳокими Улуғбек Мустафоев ташаббуси билан амалга оширилаётган “Долзарб 90 кун” дастури доирасида ёшларнинг интеллектуал ва жисмоний ривожланиши, уларнинг бўш вақтини самарали ташкил этиш ва соғлом турмуш тарзини қарор топтиришга алоҳида эътибор қаратилмоқда.

Бу каби эзгу ташаббуслар ёш авлоднинг билимли, маънавий етук ва жисмонан соғлом бўлиб камол топишига хизмат қилиб, келажак тараққиёти учун мустаҳкам пойдевор яратмоқда.