Мазкур нуфузли спорт тадбирида дунёнинг 20 дан ортиқ давлатидан, шунингдек, мамлакатимизнинг барча ҳудудларидан ташриф буюрган 4,5 минг нафардан зиёд иштирокчи қатнашди.
Марафон доирасида иштирокчилар 50, 21, 10 ва 5 километрлик масофаларда беллашиб, ўзларининг жисмоний тайёргарлиги, чидамлилиги ва матонатини синовдан ўтказдилар.
Қатнашчилар белгиланган йўналишларни муваффақиятли босиб ўтиб, спортга бўлган интилиши, сабр-бардоши ва юқори иродасини намоён этдилар.
Бугунги кунда “Zaamin Ultra” нафақат юртимизда, балки халқаро миқёсда ҳам тобора нуфузи ортиб бораётган спорт тадбирларидан бирига айланмоқда. Ушбу марафон соғлом турмуш тарзини тарғиб қилиш, аҳоли ўртасида жисмоний фаолликни ошириш ҳамда инсонларда ўз саломатлигига нисбатан масъулият туйғусини мустаҳкамлашга хизмат қилмоқда.
Шу жиҳатдан, “Zaamin Ultra” халқаро марафони спорт ва соғлом ҳаёт тарзини оммалаштиришга қаратилган муҳим лойиҳалардан бири сифатида ўз нуфузини тобора мустаҳкамлаб бормоқда.