Жиззахлик маданият ва санъат намояндалари давлат мукофотлари билан тақдирланди
2026-05-29 17:00:00 / Янгиликлар
Маданият, санъат ва адабиёт соҳалари ходимларидан бир гуруҳини мукофотлаш тўғрисида Ўзбекистон Республикаси Президентининг Фармонига кўра, ўзининг кўп йиллик самарали илмий-ижодий фаолияти, ёрқин ва бетакрор истеъдоди билан халқимизнинг маданий, бадиий ҳамда интеллектуал салоҳиятини юксалтириш, миллий маънавиятимизни бойитиш, мамлакатимизда маданият, санъат ва адабиёт соҳаларини ривожлантириш, асрий анъаналаримиз ва бой меросимизни асраб-авайлаш, Янги Ўзбекистонни жаҳон миқёсида кенг тарғиб этишга қўшган муносиб ҳиссаси учун Жиззахлик бир қатор соҳа вакиллари давлат мукофотлари билан тақдирланди.
Шунингдек, жамиятимизда ўзаро ҳамжиҳатлик, эзгулик ва бағрикенглик тамойилларини мустаҳкамлаш, ёш иқтидор эгаларини қўллаб-қувватлаш, уларнинг маҳорат ва қобилиятларини рўёбга чиқариш, юқори малакали кадрлар тайёрлаш, фарзандларимизни Ватанга муҳаббат ва умуминсоний қадриятларга ҳурмат руҳида тарбиялаш борасидаги катта хизматлари ҳам инобатга олинди.
Мазкур Фармонга мувофиқ, Жиззах вилояти мусиқали драма театри артисти Абдуллаева Раиса Ураимовна “Фидокорона хизматлари учун” ордени билан, Фориш тумани маданият бўлими мудири Нарказаков Махмуд Мамадалиевич эса “Дўстлик” ордени билан тақдирландилар.
Давлат мукофотлари вилоят ҳокимлигида тантанали равишда ўз эгаларига топширилди.