BMB HOLDING Жизззахда етиштириладиган ва қайта ишланадиган маҳсулотлари гонконгдаги халқаро кўргазмада намойиш этилди
2026-05-08 09:10:00 / Янгиликлар
Ўзбекистон-Хитой иқтисодий форуми доирасида Гонконг шаҳрида “Made in Uzbekistan” кўргазмаси бўлиб ўтди.
Ушбу нуфузли тадбир Ўзбекистоннинг экспорт салоҳиятини намойиш этиш, халқаро бозорларга кириб боришда қулай платформа бўлиб хизмат қилди.
Кўргазмада BMB Za’faron бренди маҳсулотлари, шунингдек, чуқур қайта ишланган мева-сабзавот маҳсулотлари тақдим этилиб, кўргазма иштирокчилари томонидан юқори баҳоланди.
BMB HOLDING экспозициясига хорижий ишбилармон доиралар ва инвестиция компаниялари вакиллари ташриф буюриб, маҳсулот сифати, ишлаб чиқариш стандартлари ҳамда экспорт салоҳияти билан танишдилар.
Тадбирга Ўзбекистон Республдикаси Бош вазири А. Арипов ҳамда ХХР Гонконг махсус маъмурий ҳудуди раҳбари Жон Ли Ка-Чю ташриф буюриб, савдо-иқтисодий ҳамкорликни янада ривожлантириш муҳимлигини таъкидладилар.