Жиззах вилояти ҳокимлиги

Бу эса ҳудуд иқтисодиёти барқарор ўсиб бораётганини яна бир бор тасдиқлайди.
Миллий статистика қўмитаси маълумотларига кўра, 2026 йилнинг январь–февраль ойларида Ўзбекистонда савдо хизматлари ҳажми 26,3 трлн сўмни ташкил этган бўлиб, бу кўрсаткич 2025 йилнинг мос даврига нисбатан 19,8 фоизга ошгани қайд этилмоқда.

Ҳудудлар кесимида таҳлил қилинганда, Жиззах вилоятида савдо хизматлари ҳажми 775,5 млрд сўмни ташкил этган. Мазкур кўрсаткич вилоятда ички бозор фаоллиги ортиб бораётгани, тадбиркорлик субъектлари сони кўпайиб, савдо хизматлари кўлами кенгаяётганидан далолат беради.

Мутахассислар таъкидлашича, сўнгги йилларда Жиззах вилоятида замонавий савдо мажмуалари, кичик бозорлар ва хизмат кўрсатиш шохобчаларини ташкил этишга алоҳида эътибор қаратилмоқда. Бу эса аҳолига қулайлик яратиш баробарида, янги иш ўринлари яратиш ва тадбиркорликни қўллаб-қувватлашга хизмат қилмоқда.

Шунингдек, рақамли технологияларни жорий этиш, онлайн савдо хизматларини ривожлантириш орқали бозор муносабатлари янада такомиллашиб бормоқда. Бу эса истеъмолчилар учун танлов имкониятларини кенгайтиришга хизмат қилмоқда.

Умуман олганда, Жиззах вилоятида савдо хизматлари ҳажмининг ўсиши ҳудуд иқтисодий салоҳияти ортиб бораётганини, аҳоли даромадлари ва харид қобилияти мустаҳкамланаётганини кўрсатади. 

Бу каби ижобий кўрсаткичлар эса келгусида вилоятнинг ижтимоий-иқтисодий ривожланишида муҳим омил бўлиб хизмат қилиши шубҳасиз.