Қишлоқ хўжалиги маҳсулотларининг навбатдаги партияси Жиззахдан Европага экспорт қилинди
2026-04-17 08:00:00 / Янгиликлар
Серқуёш ўлкамизда етиштирилган қишлоқ хўжалиги маҳсулотлари дунёда ўзининг табиийлиги ва сифати билан танилган бўлиб, уларни жаҳон бозорларига етказиб бериш кўлами кундан-кунга кенгайиб бормоқда.
Латвия компаниялари билан ўрнатилган самарали ва ўзаро манфаатли ҳамкорлик доирасида BMB HOLDING таркибига кирувчи Жиззах вилоятида жойлашган BMB IMPEX корхонаси томонидан карам маҳсулотининг навбатдаги партияси экспорт қилинди.
Хорижлик ҳамкорлар билан бирга амалга оширилаётган бундай тадбирлар маҳаллий ишлаб чиқарувчилар имкониятларини янада кенгайтириш, "Made in Uzbekistan" миллий бренди маҳсулотларининг халқаро бозорлардаги ўрнини мустаҳкамлашга хизмат қилади.
Шу билан бирга, ушбу ҳамкорлик ташқи савдо-иқтисодий алоқаларни ривожлантириш орқали экспорт ҳажмларини ошириш, янги бозорларни ўзлаштириш ва иқтисодий барқарорликни таъминлаш борасида тизимли ишлар амалга оширилаётганлигидан далолат беради.