Пахтакор тумани ҳокимлигида коррупцияга қарши курашиш бўйича семинар ўтказилди
2026-04-09 16:00:00 / Янгиликлар
2026 йил 9 апрель куни Жиззах вилояти ҳокимлиги Коррупцияга қарши ички назорат тузилмаси томонидан Пахтакор тумани ҳокимлигида тадбир ташкил этилди. Унда ҳокимлик ходимлари иштирок этдилар.
Семинар давомида иштирокчиларга давлат органлари, жумладан маҳаллий ҳокимият органларида айрим мансабдор шахслар томонидан содир этилган жиноий хатти-ҳаракатлар, мансаб ваколатини суиистеъмол қилиш билан боғлиқ салбий ҳолатлар ҳақида атрофлича маълумот берилди.
Шунингдек, бугунги кунда коррупцияга қарши курашиш борасида амалга оширилаётган ишлар, қабул қилинган норматив-ҳуқуқий ҳужжатларнинг мазмун-моҳияти ва аҳамияти, шунингдек, коррупция иллатини бартараф этиш йўналишлари юзасидан тушунчалар берилди.
Тадбир давомида коррупцияга нисбатан муросасиз муносабатни шакллантириш, бундай ҳолатларнинг олдини олиш ҳамда қонун устуворлигини таъминлаш масалаларига алоҳида эътибор қаратилди.
Жиззах вилояти ҳокимлиги Коррупцияга қарши ички назорат шуъбаси