Жиззах вилояти ҳокимлиги

Жумладан, Henan Shangfa Valve, Zhengzhou Aluminum Capital, Henan Shengyu, Henan Quanshun, Zhengzhou Heima, Henan Yuzhou, Zhengzhou Machinery, Zhongli Pump & Valve, Zhongte Valve, Zhonghaiwei Rubber Products, Liwei Rubber Products, Henan Kaifa, Kaifeng Ruike, Kaifeng Ruifa каби етакчи корхоналар билан ҳамкорлик истиқболлари муҳокама қилинди.

Музокаралар доирасида айрим йирик саноат корхоналари, хусусан, LVDU Valve Co., Ltd ҳамда Zhengzhou ZhengFa компанияларининг ишлаб чиқариш жараёнлари билан яқиндан танишилди. Бу ташрифлар орқали замонавий технологиялар, ишлаб чиқариш самарадорлигини ошириш усуллари ва саноат кооперациясини ривожлантириш бўйича муҳим тажрибалар ўрганилди.

Шунингдек, Zheng Sai Shield компанияси билан Жиззах вилоятининг чўл ҳудудларини ўзлаштириш ва чўлланишга қарши курашиш борасида Хитой тажрибаси ва илғор амалиёти атрофлича муҳокама қилинди. Учрашув якунида Инвестициялар, саноат ва савдо вазирлиги ҳамда вилоят делегацияси томонидан мазкур компания вакилларини Жиззах вилоятига ташриф буюришга таклиф этилди.

Музокаралар якунида Жиззах вилояти, Ўзбекистон Республикаси Инвестициялар, саноат ва савдо вазирлиги ҳамда Хитой компанияси ўртасида ўзаро манфаатли ҳамкорликни йўлга қўйишга қаратилган меморандум имзоланди. Мазкур келишув келгусида саноат, инвестиция ва инновацион лойиҳаларни амалга оширишда муҳим аҳамият касб этади.