“UzSungwoo” МЧЖ ва “Xiva Plaza” МЧЖларнинг очиқ савдо жараёнлари юзасидан ахборот
2025-08-05 20:22:00 / Янгиликлар
Давлат активлари агентлигининг жорий йил 10 июндаги “UzSungwoo” МЧЖ ва “Xiva Plaza” МЧЖ (“Farovon Khiva Hotel” меҳмонхонаси)ларни устав капиталларидаги давлат улушини очиқ савдо жараёнлари бўйича эълонларига мувофиқ, қуйидагилар маълум қилинади.
Хусусийлаштириш бўйича консультантлар таклифига асосан, янада кўпроқ салоҳиятли инвесторларни жалб қилган ҳолда сотиш жараёнларини шаффоф ва рақобат муҳитида ўтказиш мақсадида, барча манфаатдор томонлар ва салоҳиятли инвесторларга мазкур давлат улушларини сотиб олиш юзасидан қизиқиш билдириш (Express of Interest) бўйича аризаларни қабул қилиш муддати 2025 йил 15 сентябрь Тошкент вақти билан соат 23:59 га қадар узайтирилганлиги маълум қилинади.
Қизиқиш билдирилган тақдирда аризаларни қуйидаги электрон почта манзилларига юбориш лозим:
- “UzSungwoo” МЧЖ бўйича munir.yakubov@piamg.uz;
- “Xiva Plaza” МЧЖ бўйича info@rsm.uz.
Шунингдек, аввал эълон қилинган маълумотлар ва талабларнинг барча бошқа бандлари ўзгаришсиз қолгани маълум қилинади.
Аввалги эълонлар билан қуйидаги ҳаволалар орқали танишиш мумкин: