Ўзбекистон Республикаси Давлат активларини бошқариш агентлиги

Тегишли хусусийлаштириш дастурларига мувофиқ, Давлат активларини бошқариш агентлиги (кейинги ўринларда – Давактив агентлиги) “Хива Плаза” МЧЖ (“Farovon Khiva Hotel” меҳмонхонаси) ва “Хива Локомотив” МЧЖ (“Khiva Lokomotiv Hotel” меҳмонхонаси)лардаги 100 фоиз улушларни (кейинги ўринларда – Активлар) профессионал консультант жалб қилган ҳолда очиқ савдо жараёнлари бошланганлигини эълон қилади.

“RSM Uzbekistan” компанияси (кейинги ўринларда – Консультант) ушбу хусусийлаштириш жараёнини илғор халқаро тажриба асосида амалга ошириш учун Давактив агентлигининг хусусийлаштириш бўйича консультанти сифатида танлаб олинди.

Активлар тўғрисида қисқача маълумот:

“Хива Плаза” МЧЖ (“Farovon Khiva Hotel” меҳмонхонаси):

• Меҳмонхона ҳудуддаги ягона халқаро даражадаги меҳмонхона ҳисобланади;
• Меҳмонхона “Ичан қаъла”дан 3 км узоқликда жойлашган;
• Манзили: Хоразм вилояти, Хива шаҳри, Қиёт МФЙ, Буюк йўл кўчаси, 1Б-уй;
• Умумий ер майдони 2,72 гектар, бино-иншоотлар майдони 8 773 квадрат метрни ташкил этади;
• Мавжуд хоналар сони 106 та;
• Меҳмонхонада 700 кишига мўлжалланган 12 та кўп тармоқли конференция заллари, банкет зали, 4 та ресторан, сауна ва бассейн мавжуд.

“Хива Локомотив” МЧЖ (“Khiva Lokomotiv Hotel” меҳмонхонаси):

• Меҳмонхона шаҳарнинг маданий ва тарихий марказида, “Ичан қаъла”дан 1 км узоқликда жойлашган;
• Манзили: Хоразм вилояти, Хива шаҳри, Янги ҳаёт маҳалласи, А.Темур кўчаси;
• Умумий ер майдони 0,77 гектар, бино-иншоотлар майдони 3 504 квадрат метрни ташкил этади;
• Мавжуд хоналар сони 78 та.

Сотиш жараёни тўғрисида:

Сотиш жараёни барча манфаатдор томонлар (кейинги ўринларда – Иштирокчилар) учун очиқ бўлган музокараларга оммавий равишда таклиф қилиш усули асосида ташкил этилади.

Савдо жараёни икки босқичда амалга оширилади, жумладан сотиб олиш бўйича қизиқиш билдириш (Express of interest) ҳамда Мажбуриятга эга бўлган таклиф (BO) тақдим этиш босқичлари.

Сотув жараёнининг Сотиб олиш бўйича қизиқиш билдириш (Express of Interest) босқичини амалга ошириш тўғрисида:

Иштирокчилардан қуйидаги маълумотлар билан ҳар бир актив бўйича сотиб олиш юзасидан қизиқиш билдириш тўғрисидаги аризаларини (Express of interest) тақдим этишлари сўралади:

1. Талабгор жисмоний шахс бўлганда: паспорт/ID карта нусҳаси, Активни сотиб олиш учун молиявий имконияти тўғрисидаги маълумотлар;
2. Талабгор юридик шахс бўлганда:

• корхона/фирма тўғрисида маълумотлар, шу жумладан таъсис ҳужжатлари (устав)ва фаолият гувоҳномаси нусҳаси, СТИР маълумоти;
• таъсисчиси/иштирокчиси, акциядори бир нафардан кўп бўлган ҳолларда 5 фоиздан ортиқ улуши мавжуд таъсисчи/иштирокчи/акциядорининг улушини кўрсатган ҳолда уларнинг ҳар бири ҳамда якуний бенефициари тўғрисида маълумот;
• охирги 3 йиллик молиявий ҳисоботи нусҳаси (ташкил топганига 3 йилдан кам бўлган ҳолларда, ташкил топган даврдан бошлаб фаолияти давридаги молиявий ҳисоботи нусҳаси).

Талабгорлар қизиқиш билдириши тўғрисидаги аризаларини ҳар бир актив бўйича алоҳида хоҳишларига кўра ўзбек, рус ёки инглиз тилларида тайёрлаб 2024 йил 31 октябрь соат 18:00га (Тошкент вақти билан) қадар info@rsm.uz электрон почта манзилига юборишлари лозим.

Ушбу савдо босқичи доирасида, Консультант томонидан потенциал инвесторларни жалб қилиш мақсадида инвестицион тизерларни тарқатиш ишлари амалга оширилади.

Қабул қилинган аризалар қуйидаги мезонлар бўйича сараланади:

• Активни сотиб олиш учун молиявий ресурсларининг етарлилиги;
• давлат иштирокидаги корхона бўлмаслиги (устав фондидаги (устав капиталидаги) давлат улуши миқдори 50 фоиздан ортиқ бўлган хўжалик жамияти ёхуд устав фондидаги (устав капиталидаги) давлат улуши миқдори хўжалик жамиятининг бошқа ҳар бир акциядори (иштирокчиси) улушига нисбатан кўп бўлган хўжалик жамияти, шунингдек давлат унитар корхонаси);
• хусусийлаштириш жараёнида иштирок этишини таъқиқлаши мумкин бўлган маъмурий, ҳакамлик ёки бошқа суд жараёнларининг йўқлиги;
• Ўзбекистон Республикасининг 660-II-сонли "Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида"ги Қонуни талабларига риоя этилиши;
• Талабгор (консорциум ҳолатида, консорциум аъзоларидан ҳеч бири) ва унинг тегишли шахсларидан ҳеч бири Европа Иттифоқи ва АҚШнинг, шунингдек йирик халқаро молия институтларининг (Жаҳон банки, Европа тикланиш ва тараққиёт банки, Осиё тараққиёт банки) санкциялари рўйхатига киритилмаган бўлиши лозим. Шу билан бирга, ариза топширилган санада талабгорлар санкцияланган шахс/(лар) ёки юқорида айтиб ўтилган санкция органлари томонидан ҳар қандай иш ёки тергов объекти/(лар) бўлмаслиги керак. Шунингдек, талабгорлар (консорциум ҳолатида, консорциум аъзоларидан ҳеч бири) ва унинг тегишли шахсларидан ҳеч бири юқорида айтиб ўтилган муассасалар ва давлатларнинг санкциялар режимига зид бўлган ҳар қандай фаолиятга (тўғридан-тўғри ёки бирон бир шўба корхонаси орқали) жалб этилмаган бўлишлари лозим ва Талабгор (консорциум ҳолатида, консорциум аъзоларидан ҳеч бири), шунингдек унинг тегишли шахсларидан бирортасининг асосий молиялаштирувчи томонлари ёки кредиторлари санкциядаги шахслар ёки санкциядаги шахсларга тегишли бўлган ёки улар томонидан эгалик ва назорат қилинадиган банклар ёки молия институтлари бўлмаслиги лозим.

Ушбу лойиҳа доирасида қўшимча маълумотлар учун қуйидаги алоқа каналларига мурожаат қилинг:

• Димитрий Аббасов, “RSM Uzbekistan” компанияси мутахассиси: d.abbasov@rsm.uz,  тел. +998(91) 770-16-73;
• Шохрух Охунов, Давактив агентлиги департаменти бошлиғи: tender@davaktiv.uz, тел. +998(71) 259-20-23.

Ўз навбатида, Мажбуриятга эга бўлган таклиф (BO) босқичига ўтган талабгорлар билан мажбуриятга эга бўлган таклифларни тақдим этишларидан аввал таклиф этиладиган қатъий нарх таклифининг камида 1 фоизини кафолатли тўлов сифатида амалга оширилиши, шу билан бирга талабгорларга Активларнинг фаолиятини камида 5 йил сақлаб қолиш шартлари белгиланади.

Сотиш жараёнининг барча босқичларининг натижалари бўйича Давактив агентлигининг расмий саҳифаларида ахборот бериб борилади ва Консультант томонидан жараёнда иштирок этган талабгорларнинг ҳар бирига тегишли жараён хати (Process Letter) орқали индивидуал равишда хабардор қилинади.

Дисклеймер:

Давактив агентлиги сотиш жараёнининг кетма-кетлигини ўзгартириш ёки потенциал харидорга (харидорларга) сотишни ёки сабабларини тушунтирмасдан исталган вақтда улар билан музокара олиб боришни рад этиш ҳуқуқини ўзида сақлаб қолади.

Ушбу эълон ёки унинг мазмунининг бирон-бир қисми мазкур эълон чоп этилишидан келиб чиқиб тахмин қилиниши мумкин бўлган Давактив агентлиги ва “RSM Uzbekistan”нинг Активни сотиш билан боғлиқ бирор-бир шаклдаги мажбурияти сифатида талқин қилинмаслиги керак. Давактив агентлиги ва “RSM Uzbekistan” ўз хоҳишига кўра ҳар қандай вақтда ва ҳар қандай муносабатда, биргаликдаги ёки шахсий жавобгарликни ўз зиммаларига олмасдан:

(i) аризалар бериш муддатига ўзгартириш киритиш;

(ii) турли хил манфаатдор томонлар учун турли хил тартиб-қоидалар бўйича иш тутиш ва/ёки Давактив агентлиги ва “RSM Uzbekistan” томонидан кўзда тутилган режа-жадвал ва тартиб доирасида исталган бошқа потенциал харидорни (харидорларни) олдиндан огоҳлантирмасдан чиқариб ташлаган ҳолда бир ёки бир нечта потенциал харидорлар билан музокаралар олиб бориш;

(iii) аниқ бир сабабга кўра сотиш жараёнини тўхтатиш;

(iv) ва/ёки исталган вақтда ва сабабларни тушунтирмасдан Савдога тааллуқли бўлган ҳар қандай потенциал харидор (харидорлар) билан ҳар қандай муҳокама ва музокараларни олиб бориш/тугатиш ҳуқуқларини ўзида сақлаб қолади.