Министерство внутренних дел Республики Узбекистан

Ilajda Ishki isler ministrliginiń basshıları, Qaraqalpaqstan Respublikası, rayon hám qala dárejesindegi ishki isler uyımlarınıń basshıları hám tarawlıq xızmetlerdiń juwapkerleri qatnastı. Májiliste ishki isler organları xızmetiniń házirgi jaǵdayı, jumıs nátiyjeliligi, jeke quramnıń kásiplik tayarlıǵı, xızmet tártibi hám jámietlik qáwipsizlikti támiyinlew baǵdarındaǵı jumıslar tolıq tallandı.

Xızmet jumısında joqarı nátiyjelerge erisken, úlgili xızmet jumısı ushın xalıq hám kásiplesleri tárepinen ayrıqsha tán alınǵan bir topar xızmetkerler Ishki isler ministriniń buyrıǵı menen múnásip sıylıqlandı.

Atap aytqanda, Beruniy rayonı IIB profilaktika aǵa inspektorı podpolkovnik Wktam Iskandarov hám Jol háreketi qáwipsizligi basqarması inspektorı qatardaǵı Baxtiyor Nietov "Álo xizmatlari uchun" kókirek belgisi menen, Bozataw rayonı IIB baslıǵı polkovnik Umida Qurbanbaeva hám birinshi regionallıq aymaq operativ wákili polkovnik Bekmurza Bulatov I-dárejeli "Benuqson xizmatlari uchun" kókirek belgisi menen, sonday-aq, Ámiwdárya rayonı IIB janındaǵı tergew toparınıń aǵa tergewshi mayor Mamurjon Shamuradov hám Qanlıkól rayonı IIB Shólkemlestiriw bólimi múrájatlar menen islesiw toparınıń kishi inspektorı serjant Saginbay Turdimuradov Ishki isler ministriniń estelik qol saatı menen sıylıqlandı.

Májiliste bir qatar tarawlarda erisilgen unamlı nátiyjeler menen birge, jol qoyılǵan kemshilikler hám sistemadaǵı mashqalalarǵa da itibar qaratıldı. Tekseriw nátiyjelerine bola, xızmet jumısında úlken kemshiliklerge jol qoyǵan bir qatar basshılarǵa intizamıy tásir ilajları qollanıldı.

Atap ótiliwinshe, bul tekseriw tek ǵana qadaǵalaw maqsetinde emes, al sistemanıń jumısın jetilistiriw, ishki isler organlarınıń zamanagóy talaplarǵa muwapıq nátiyjeliligin arttırıwǵa qaratılǵan ámeliy qádem sıpatında xızmet etpekte.

Ilaj dawamında, sonday-aq, inspektorlıq tekseriw nátiyjelerine bola, oraylıq apparat hám aymaqlıq bólimlerdiń materiallıq-texnikalıq támiynatın jaqsılaw boyınsha tiyisli ilajlar belgilendi.

Májilis juwmaǵında juwapkerlerge xızmet jumısın túp-tiykarınan qayta kórip shıǵıw, jámáátlik juwapkershilikti arttırıw hám puqaralardıń isenimin bekkemlewge qaratılǵan anıq tapsırmalar berildi hám orınlanıwı qadaǵalawǵa alındı.