Qaraqalpaqstan Respublikasında kompleksli inspektorlıq tekseriw ótkerilmekte
2025-05-12 20:30:00 / Новости
Úyreniwler dawamında respublikalıq jumısshı topar tárepinen usı jıldıń esap beriw dáwirinde Qaraqalpaqstan Respublikasınıń 452 máhállesinde qáwipsiz ortalıqtı jaratıw, huqıqbuzarlıqlardıń erte aldın alıw, jol háreketi qáwipsizligin támiyinlew, ishki isler organlarınıń jeke quramı tárepinen orınlaw hám xızmet tártibine ámel etiw jaǵdayı kompleksli tallanıp, anıqlanǵan kemshiliklerdi saplastırıw boyınsha ámeliy járdem kórsetilmekte.
Ishki isler ministri basshılıǵındaǵı respublikalıq jumısshı topar hám taraw juwapkerleriniń qatnasıwında Moynaq, Qońırat, Qanlıkól, Shomanay hám Xojeli rayonlarında Ózbekstan Respublikası Prezidentiniń "2025-jıl jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında"ǵı qararınıń orınlanıwı hám tarawǵa baylanıslı tapsırmaları boyınsha ámelge asırılǵan jumıslar úyrenildi.
Atap aytqanda, kriminogen jaǵdayı awır esaplanǵan Moynaq rayonındaǵı "Úsh-say" hám "Aral" máhálleleri, Qońırat rayonındaǵı "Qońırat," "Taraqlı" hám "Qaraqalpaqstan" máhálleleri, Qanlıkól rayonındaǵı "Beskópir" hám "Nawrız" máhálleleri, sonday-aq, Shomanay rayonındaǵı "Mádeniyat" hám "Qarabaylı" máhállelerinde juwapker shólkem wákilleri hám máhálle jetiligi qatnasıwında sáwbetler shólkemlestirilip, Mámleket basshısınıń qararı talaplarınan kelip shıǵıp, onıń nátiyjeli orınlanıwın támiyinlew boyınsha bir qatar tapsırmalar berildi. Sonday-aq, respublikalıq jumısshı toparǵa "Qáwipsiz hám salamat el" operativ profilaktikalıq ilajlar шеңберинде ámelge asırılǵan jumıslar hám máhálle jetiligi jumısı boyınsha rejelestirilgen wazıypalardıń prezentaciyaları bolıp ótti. Ilaj dawamında, aymaqlıq ishki isler organlarınıń hákimshilik imaratlarınıń jaǵdayı hám texnikalıq támiynatı, xalıq penen jaqınnan islesiw ushın jaratılǵan sharayatlar, jınayachılıqtıń aldın alıw baǵdarındaǵı ilajlardıń nátiyjeliligi, basqa da juwapker organlar hám jámietlik shólkemler menen birge islesiwi hám tarawǵa baylanıslı basqa da máseleler sın kózqarastan úyrenilip, anıqlanǵan mashqalalardı óz waqtında saplastırıw ilajlarına ayrıqsha itibar qaratıldı.
Respublikalıq jumısshı topardıń aymaqlarda úyreniwleri dawam etpekte.