21-oktyabr — O‘zbek tiliga davlat tili maqomi berilgan kun!
2025-10-21 09:10:00 / Yangiliklar
1989-yilning 21-oktabr kuni mamlakatimizda “Davlat tili to‘g‘risida”gi qonun qabul qilinib, unga ko‘ra o‘zbek tiliga davlat tili maqomi berildi.
“O‘zbek tili bayrami kunini belgilash to‘g‘risida”gi 2020-yil 10-aprelda qabul qilingan O‘zbekiston Respublikasi qonunining 1-moddasi bilan 21-oktabr sanasi o‘zbek tili bayrami kuni etib belgilandi.
Millatlarni bir-biridan ajratib turuvchi asosiy belgilaridan biri bu – til. Til – davlat timsoli, mulki, ruhi, millatning madaniy va ma’naviy boyligi, xalqning madaniyati, urf-odati, uning turmush tarzi, tarixidir.
Har bir inson o‘z ona tilini bilishi, uni ulug‘lashi va shu bilan birga boshqa millatlarning ona tiliga ham hurmat bilan qarashi lozim. Shundagina tilning, millatning qadri va obro‘yi, nufuzi oshadi.