Bugun Xalq qabulxonasida Xorazm viloyati hokimining qishloq va suv xo‘jaligi masalalari bo‘yicha o‘rinbosari – viloyat qishloq xo‘jaligi boshqarmasi boshlig‘i O‘ktam Masharipo‘vning navbatdagi shaxsiy qabuli o‘tkazildi.
2026-10-12 17:25:00 / Yangiliklar
Qabul davomida fuqarolar tomonidan qishloq xo‘jaligi yerlaridan samarali foydalanish, suv ta’minoti, fermer va dehqon xo‘jaliklari faoliyati, subsidiyalar ajratish, agrotexnologiyalarni joriy etish hamda sohaga oid boshqa masalalar bo‘yicha murojaatlar bildirildi.
Murojaatlarning har biri atroflicha ko‘rib chiqilib, ularni hal etish yuzasidan tegishli mutasaddilarga vazifalar yuklatildi. Qo‘shimcha o‘rganish talab etiladigan masalalar nazoratga olindi.
Fuqarolarning qishloq va suv xo‘jaligi sohasiga oid muammolarini hal etish, ularning taklif va tashabbuslarini qo‘llab-quvvatlashga qaratilgan bunday qabullar muntazam davom ettiriladi.
Xorazm viloyati hokimligi matbuot xizmati