“Byurokratiyani bartaraf etish – 2030”: jamoatchilik tashabbusi o‘tkazilmoqda
2026-09-14 18:50:00 / Byurokratiyani bartaraf etish – 2030
O‘zbekiston Respublikasi Prezidentining 2025-yil 28-noyabrdagi F-68-son Farmoyishi bilan tasdiqlangan “Byurokratiyani bartaraf etish – 2030” dasturi doirasida “Byurokratiyasiz O‘zbekiston” jamoatchilik tashabbusi o‘tkazilmoqda.
Tashabbusning asosiy maqsadi — fuqarolar va tadbirkorlarning davlat idoralariga murojaat qilish jarayonida duch kelayotgan ortiqcha hujjatlar, uzoq kutish, takroriy murojaatlar, ko‘p bosqichli kelishuvlar va boshqa byurokratik to‘siqlarni aniqlash hamda ularni amaliy islohotlarga aylantirish.
📌 Tashabbus 2026-yil 21-sentabrdan 20-noyabrgacha davom etadi.
Fuqarolar va tadbirkorlik subyektlari o‘zlari duch kelayotgan byurokratik muammolar bo‘yicha takliflarini maxsus elektron platforma orqali yuborishlari mumkin:
🌐 murojaat.byurokratiyasiz2030.uz
Takliflarda muammoning aniq tavsifi, uning oqibati yoki vaqt va resurs yo‘qotishi, amaliy yechim hamda imkon qadar tasdiqlovchi dalillar ko‘rsatilishi lozim.
Kelib tushgan takliflar soha ekspertlari tomonidan baholanib, tasdiqlangan takliflar amaliyotga joriy etiladi.
Byurokratiyasiz O‘zbekiston — qulay, ochiq va samarali davlat sari muhim qadam!