Joriy yilning 25 — 30-aprel kunlari Xorazm viloyatining Xiva shahrida III “Lazgi” xalqaro raqs festivali bo‘lib o‘tadi.
2026-04-21 10:10:00 / Rahbariyatning bayonotlari va nutqlari
Festivalning maqsadi, “Xorazm lazgi raqsi” san’atining asriy an’analarini saqlash va rivojlantirish, raqs san’ati orqali xalqlar o‘rtasidagi do‘stlik, birodarlik rishtalarini mustahkamlash, xalqaro miqyosda ijodiy hamkorlik ko‘lamini va madaniy aloqalarni yanada kengaytirishdan iboratdir.
2022-yilda Xorazm viloyatining Xiva shahrida bo‘lib o‘tgan I “Lazgi” xalqaro raqs festivali dunyoning 30 ta davlatidan 175 dan ziyod iste’dodli raqqosalar, professional raqs jamoalar, raqs san’ati ustalari, musiqashunos va san’atshunos olimlar, taniqli san’atkorlar, yetuk mutaxassislar, faxriy mehmonlar va ommaviy axborot vositalari xodimlari ishtirok etgan.
2024-yilda ikkinchi marotaba o‘tkazilgan II “Lazgi” xalqaro raqs festivaliga dunyoning 33 davlatlaridan 200 dan ziyod iste’dodli raqqosalar, professional raqs jamoalari, raqs san’ati ustalari, musiqashunos va san’atshunos olimlar, taniqli san’atkorlar, yetuk mutaxassislar, faxriy mehmonlar ishtirok etishdi.