"O‘zbekkosmos" agentligi

O‘zbekiston Respublikasida suv omborlaridagi to‘g‘onlarning holatini monitoring qilishning ilg‘or texnologiyalari, masalan, sun’iy yo‘ldosh interferometriyasining radar usullari – InSAR (Interferometry Synthetic Aperture Radar)  texnologiyasi tomonidan yer yuzasini va undagi jismlarning deformatsiyasini kuzatish imkonini beradi.

Agentlik tabiiy (zilzilalar) va texnogen hodisalar natijasida yuzaga kelgan o‘zgarishlarni aniqlash uchun sun’iy yo‘ldosh radar tasvirlaridan foydalanadi, bu esa deformatsiyaning ko‘lami va yo‘nalishini ishonchli baholashga yordam beradi. Agentlik, shuningdek, atrof-muhitdagi o‘zgarishlarni aniqlash uchun optik sun’iy yo‘ldosh tasvirlaridan foydalanadi.

Amalga oshirilgan ishlar doirasida Agentlik tomonidan suv omborlari to‘g‘onlarining deformatsiyalari, siljishi va cho‘kindilari dinamikasi aniqlanib, 18 ta suv ombori uchun radiolokatsion kosmik monitoring tizimi joriy etildi. 

Raqamli platformani o‘z ichiga olgan ushbu tizim to‘g‘onlarning deformatsiyalari, siljishi va cho‘kindilari, shuningdek, suv omborlariga tutash hududlarni kuzatishni ta’minlaydi. Ushbu muhim qadam suv omborlaridan foydalanish xavfsizligini oshirish va suv omborlarining mumkin bo‘lgan muhim hududlari va suv omborlariga tutash hududlarni o‘z vaqtida xabardor qilishga qaratilgan.