"O‘zbekkosmos" agentligi

Joriy yilning 15-20 yanvar kunlari “O‘zbekkosmos” agentligi direktori Shuhrat Kadirov boshchiligidagi delegatsiya Xitoy Xalq Respublikasida amaliy tashrif bilan bo‘lib, Xitoyning kosmik tizimlar va texnologiyalar sohasidagi yetakchi kompaniyalari rahbarlari bilan bir qator uchrashuvlar o‘tkazmoqda.
O‘zbekiston delegatsiyasi Xitoy Milliy kosmik boshqarmasi (CNSA), Xitoyning "Buyuk devor" sanoat korporatsiyasi (CGWIC) va Xitoy elektron texnologiyalar guruhi (CETC), shuningdek, Xitoy Fanlar akademiyasi Axborot tadqiqot instituti vakillari bilan samarali muzokaralar o‘tkazdi. (AIRCAS). 

Uchrashuvlarda ta’lim va kadrlar tayyorlash, geoaxborot tizimlarini rivojlantirish, yer va kosmik infratuzilmani yaratish kabi sohalardagi ikki tomonlama hamkorlik istiqbollari atroflicha muhokama qilindi. Kadrlar tayyorlash sohasida ta’lim muassasalari o‘rtasida jumladan, talabalar  ilmiy almashinuv imkoniyatlari va Koinot tizimlari va texnologiyalari sohasida – geoaxborot tizimlari bo'yicha chuqur o‘zaro hamkorlikni yo‘lga qo‘yish rejalari va tashabbuslari ko'rib chiqildi.
Xitoy Fanlar akademiyasining Axborot tadqiqotlari instituti bilan muzokaralar yakunlari boʻyicha taʼlim va kadrlar tayyorlash, shuningdek, masofaviy zondlash ,yer va kosmik texnologiyalar va qisqa muddatli taʼlim dasturlari sohasida hamkorlik qilish uchun yangi imkoniyatlar ochuvchi memorandumi imzolandi.