O‘zbekiston terma jamoasi 9-Kavkaz xalqaro matematika olimpiadasida ishtirok etish uchun jo‘nab ketdi
2024-03-10 14:25:00 / Yangiliklar
O‘zbekiston terma jamoasi 11-16 mart kunlari o‘tkaziladigan 9-Kavkaz xalqaro matematika olimpiadasida ishtirok etish uchun Adigeya Respublikasiga yo‘l oldi.
Mazkur xalqaro olimpiadaga saralash bosqichi joriy yilning 10-11 fevral kunlari Toshkent shahrida o‘tkazildi va eng yuqori natijalarni qayd etgan 4 nafar o‘quvchi O‘zbekiston terma jamoasiga qabul qilindi.
Ozod Axtamov — Toshkent shahar, Yashnobod tumani, Muhammad al-Xorazmiy nomidagi ixtisoslashtirilgan maktabining 10-sinf o‘quvchisi;
Madina Suyunova — Qashqadaryo viloyati, Kitob tumani 96-IDUM 11-sinf o‘quvchisi;
Asadbek Boboqulov — Toshkent shahar, Chilonzor tumani, S.H.Sirojiddinov nomidagi akademik liseyining 1-bosqich o‘quvchisi;
Elbek Zohidjonov — Toshkent shahar, Yashnobod tumani, Muhammad al-Xorazmiy nomidagi ixtisoslashtirilgan maktabining 9-sinf o‘quvchisi.
Mamlakatimiz sharafini himoya qilayotgan yoshlarimizga omad va zafarlar tilab qolamiz!