O‘zbekiston Respublikasi Maktabgacha va maktab taʼlimi vazirligi

Samarqandda ta’limni rivojlantirish masalalariga bag‘ishlangan viloyat kengashining navbatdagi yig‘ilishi bo‘lib o‘tdi

Unda Maktabgacha va maktab ta’limi vazirining birinchi o‘rinbosari Usmon Sharifxodjayev, viloyat hokimi Erkinjon Turdimov va mas’ullar ishtirok etishdi. 

Yig‘ilishda Usmon Sharifxodjayev Shahzod Eshonqulovning Samarqand viloyati Maktabgacha va maktab ta’limi  boshqarmasi boshlig‘i lavozimiga tayinlov buyrug‘ini o‘qib eshittirdi va uning kelgusi ishlarida omad tiladi. 

Unda Davlatimiz rahbari boshchiligida  joriy yilning 5-fevral kuni o‘tkazilgan ijtimoiy sohalardagi ustuvor vazifalar muhokamasiga bag‘ishlangan  videoselektor yig‘ilishida berilgan topshiriqlar ijrosini ta’minlash bo‘yicha amalga oshirilayotgan ishlar muhokama qilindi.

Shuningdek, maktablarda kasb-hunarga o‘rgatish bo‘yicha bajarilayotgan ishlar tahlil qilindi. O‘quvchilarning darslarga ishtiroki, davomatni yaxshilash borasida mas’ul tashkilotlar bilan hamkorlik borasida mutasaddilarga topshiriqlar berildi