Bugun Kembrijda davlat va nodavlat maktablari rahbarlari uchun tashkil etilgan liderlik dasturining ilk kuni bo‘lib o‘tdi. Ushbu dastur Cambridge University Press & Assessment tomonidan amalga oshirilmoqda va unda yigirmadan ortiq maktab rahbari ishtirok etmoqda.

Besh kunlik amaliy trening davomida ishtirokchilar quyidagi uchta asosiy modul bo‘yicha bilim va ko‘nikmalarga ega bo‘ladilar:
 • Liderlik yo‘liga qadam qo‘yish (Starting your leadership journey);
 • Kembrij bilan rahbarlik salohiyatini rivojlantirish (Developing your leadership with Cambridge);
 • Maktab muhitini yaxshilash uchun kouching va mentorlik madaniyatini shakllantirish (Creating a culture of coaching and mentoring for school improvement).

Shuningdek, ishtirokchilar uchun Cambridge International School maqomini olish jarayoni va talablariga bag‘ishlangan alohida sessiya ham tashkil etiladi.

Barcha ishtirokchilar xalqaro sertifikatlar, shuningdek, o‘z maktablarida qo‘llash va hamkasblari bilan ulashishlari mumkin bo‘lgan amaliy vositalarga ega bo‘ladilar.

Ta’lim — bu rahbarlik. Biz esa kelajakka yo‘l ochayotgan yetakchilarmiz!