Hududlarda MTT metodistlari uchun o‘quv-seminarlar bo‘lib o‘tmoqda
2024-12-05 15:20:00 / Yangiliklar
Maktabgacha va maktab ta’limi vazirligi tomonidan Respublikamiz bo‘ylab “Maktabgacha ta’lim tashkilotlarida tarbiyaviy ishlar samaradorligini oshirish hamda tarbiyalanuvchilarda ekologik madaniyatni shakllantirish” mavzusida o‘quv-seminarlari tashkil etilmoqda.
Reja asosida bugungi kunga qadar Qoraqalpog‘iston Respublikasi, Andijon, Buxoro, Jizzax, Qashqadaryo, Namangan viloyatlarida treninglar bo‘lib o‘tdi. Unda 2 660 nafar metodist ishtirok etdi.
Mavzu doirasida xususan maktabgacha ta’lim tashkiloti direktor o‘rinbosarining o‘rni va mas’uliyati masalalariga ham e’tibor qaratildi.
Unda:
➖ tashkilotdagi ma’naviy muhitni rivojlantirish,
➖tarbiyalanuvchilarni vatanparvarlik ruhida tarbiyalash,
➖pedagog xodimlarning namunaviy etika qoidalarini to‘liq egallashlari mavzularida so‘z bordi.
❕ Tadbirlar doirasida “Maktabgacha ta’lim tashkilotlari tarbiyalanuvchilarida ekologik madaniyatni shakllantirish va sog‘lom rivojlantiruvchi muhit yaratish asoslari” mavzusida taqdimot ham bo‘lib o‘tdi.