Vazirlik delegatsiyasi ta’lim sohasidagi hamkorlik bo‘yicha forumda qatnashdi
2026-01-12 15:15:00 / Yangiliklar
Maktabgacha va maktab ta’limi vazirligi tasarrufidagi umumta’lim maktablarida koreys tili ikkinchi xorijiy til sifatida bosqichma-bosqich joriy etilmoqda.
2019-yildan boshlab ayrim maktablarda koreys tilini chuqur o‘rganish yo‘lga qo‘yilgan bo‘lsa, 2024-yil 2-fevraldagi tegishli qarorga asosan ushbu fan umumta’lim maktablarining 10–11-sinflarida ikkinchi xorijiy til sifatida o‘qitilishi amaliyotga joriy etildi.
2025–2026-o‘quv yilida respublika bo‘yicha 68 ta maktabda 5 499 nafar o‘quvchi koreys tilini ikkinchi xorijiy til sifatida o‘rganmoqda. Joriy o‘quv yilida Koreya ta’lim markazi bilan hamkorlikda 22 nafar koreyalik mutaxassis umumta’lim maktablariga jalb etildi.
Ma’lumot uchun: Koreys tilini o‘qitish bo‘yicha o‘quv rejasi tasdiqlanib, 10–11-sinflarda haftasiga 4 soat dars o‘tilishi hamda ta’lim yakunida o‘quvchilarning A2 darajadagi til bilimiga ega bo‘lishi belgilandi.