Maktabgacha va maktab ta’limi vaziri E’zoza Karimova Zarafshon shahridagi qator ta’lim muassasalarida bo‘ldi.

Dastlab vazir shahar markazidagi 2- va 10-davlat maktabgacha ta’lim tashkilotlari faoliyati bilan tanishdi. Bu yerda bolajonlar uchun yaratilgan sharoitlar hamda kuz-qish mavsumiga tayyorgarlik jarayonlari o‘rganildi.

Vazir E'zoza Karimova hududdagi 8- va 14-maktablarda bo‘lib, amalga oshirilayotgan ishlarni ham ko‘zdan kechirdi.

Shuningdek, shu kuni hududdagi maktab va bog‘cha direktorlari bilan yig‘ilish o‘tkazildi. 

Unda 2024–2025-o‘quv yili natijalari, ta’lim sifati va yangi baholash tizimi, bitiruvchilarni kasb-hunarga yo‘naltirish hamda kuz-qish mavsumiga tayyorgarlik masalalari muhokama qilindi.

Vazir E'zoza Karimova maktab hovlisiga daraxt ko‘chatlari ekish aksiyasida ham ishtirok etdi.