Tamaki sanoati sohasida xalqaro standartlarga muvofiqlik masalalari muhokama qilindi
2026-05-18 11:00:00 / Yangiliklar
🫥 Oʻzbekiston texnik jihatdan tartibga solish agentligi hamda Tashkent Tobacco MCHJ rahbariyati vakillari oʻrtasida uchrashuv boʻlib oʻtdi.
🫥 Uchrashuv davomida tamaki sanoati sohasida amalga oshirilayotgan ishlar, amaldagi standartlar, texnik reglamentlar hamda muvofiqlikni baholash tartib-taomillarini xalqaro talablar asosida takomillashtirish masalalari muhokama qilindi.
Tomonlar tomonidan sohadagi meʼyoriy-huquqiy bazani xalqaro amaliyot bilan uygʻunlashtirish, mahsulot sifati va xavfsizligini taʼminlash boʻyicha olib borilayotgan ishlar alohida taʼkidlandi.
Qayd etilganidek, bugungi kunda mamlakatimizda tamaki mahsulotlari importi bilan shugʻullanuvchi yigirmadan ortiq tadbirkorlik subyektlari faoliyat yuritmoqda.
Shuningdek, Oʻzbekiston Respublikasi Prezidenti tomonidan 2026-yil 16-fevralda qabul qilingan PF–25-sonli Farmonning mazmun-mohiyati yuzasidan atroflicha maʼlumot berildi hamda mazkur hujjatning sohani yanada rivojlantirishdagi ahamiyati taʼkidlandi.
🫥 Uchrashuv yakunida tamaki sanoati sohasini xalqaro talablar asosida yanada takomillashtirish boʻyicha kelgusidagi hamkorlik yoʻnalishlari muhokama qilindi.