Oʻzbekiston Respublikasi Transport vazirligi

Uchrashuvda tomonlar O‘zbekiston hududida logistika va turizm sohasidagi hamkorlik istiqbollarini muhokama etishdi. Xitoyning “China Shandong Huada Group” kompaniyasi O‘zbekiston hududida logistika majmuasini barpo etish bo‘yicha keng ko‘lamli loyihani amalga oshirishga jiddiy qiziqish bildirdi.

Fensyuan Go mazkur loyihaning asosiy vazifasi transport tashuvlarini bevosita amalga oshirish emas, balki saqlash, taqsimlash va tegishli infratuzilmani o‘z ichiga olgan xizmatlarning to‘liq spektrini ta’minlaydigan innovatsion logistika markazini yaratish ekanligini ta’kidladi.

Tomonlar loyihaning barcha jihatlarini batafsil o‘rganishni davom ettirish, texnik va tashkiliy tafsilotlarni aniqlashtirish, shuningdek, belgilangan rejalarni samarali amalga oshirish uchun keyingi harakatlar bo‘yicha "yo‘l xaritasi"ni ishlab chiqish to‘g‘risida kelishib oldilar.