Oʻzbekiston Respublikasi Transport vazirligi

Mutasaddilar xizmat safari doirasida “Zhongtong Bus” zavodiga tashrif buyurib, Termiz shahri uchun mo‘ljallangan avtobuslarni ishlab chiqarish jarayonlarining yakuniy bosqichi bilan yaqindan tanishdi. Tez kunlarda ushbu zamonaviy avtobuslar Termiz shahriga yetkaziladi.

 
Dastlabki bosqichda 35 dona zamonaviy Zhongtong avtobuslari olib kelinishi rejalashtirilgan bo‘lsa, yil yakuniga qadar yana 65 dona shu turdagi harakat tarkiblari olib kelinadi.     

 
Mazkur avtobuslar aholiga qulay, xavfsiz va sifatli jamoat transporti xizmatlarini taqdim etishda, shahar transport tizimini yanada rivojlantirishda muhim qadam bo‘lib xizmat qiladi.

Shu orqali Termiz shahrida yo‘lovchilar harakati ancha yengillashib, transport xizmatlari sifati yangi bosqichga ko‘tarilishi kutilmoqda.