Milliy tashuvchilar katta hajmli va og‘ir vaznli yuklarni to‘g‘ridan to‘g‘ri Xitoy ichki hududlaridan tashuvlarini boshladi
2025-08-07 16:00:00 / Yangiliklar
Shikast yetkazmasdan qismlarga ajratish imkoniyati bo‘lmagan o‘ta og‘ir uskunalar, turli sanoat agregatlari, elektrostansiya qurilmalari, katta hajmli metall konstruksiyalar shu kabi yuklar sirasiga kiradi. Logistika tilida bunday nostandart yuklarini tashish bilan bog‘liq yirik operatsiyalar loyihaviy yuk tashuvlari deb ataladi.
Milliy tashuvchilarni har tomonlama qo‘llab-quvvatlash borasidagi sa’yi-harakatlar natijasida o‘zbek milliy tashuvchilari ilk marotaba Xitoy Xalq Respublikasidagi ishlab chiqaruvchi korxonalar hududidan katta hajmli va og‘ir vaznli yuklarni avtomobil transportida to‘g‘ridan to‘g‘ri tashuvlarini amalga oshirishni boshladi.
Ayni damda har birining og‘irligi 270 tonnadan yuqori bo‘lgan yuk modullari maxsus transport vositalarida Xitoydan Surxondaryo viloyatiga yetkazilmoqda. Mazkur yuk modullari Surxondaryo viloyatida qurilayotgan issiqlik elektr stansiyasi uchun ishlab chiqarilgan uskunalardir.
Tashuv aniq belgilangan yo‘nalish bo‘yicha tegishli ruxsatnoma asosida amalga oshirilmoqda.